Қызылорда облысында жыл басынан бері көші-қон заңнамасының талаптарын бұзған 177 шетелдік ел аумағынан шығарылды.
Облыстық полиция департаменті көші-қон қызметі басқармасының мәліметіне сүйенсек, өткен үш айда өңірімізге түрлі мақсатпен келген 4 142 шетелдік уақытша тіркеуге алынды. Оның 4 мыңнан астамы – ТМД мемлекеттерінің азаматтары.
Көші-қон саласындағы заңнама талаптарын бұзған 276 шетелдік Әкімшілік кодекстің 517-бабы бойынша әкімшілік жауапкершілікке тартылды. Оның 105-і Қазақстан аумағында болу мерзімі өтіп кетсе де еліне қайтпаған.
Шетелдік немесе азаматтығы жоқ адамдардың еңбек қызметін заңсыз жүзеге асырған 27 отандасымызға Әкімшілік кодекстің 519-бабымен әкімшілік шара көрілді.
Пікірлер жоқ. Бірінші болыңыз!