Қызылордада жергілікті тұрғын алаяқтың құрбаны болғандығын айтып, полицияға арызданған, деп хабарлайды облыстық полиция департаментінің баспасөз қызметі.
Қыркүйек айында танысы сеніміне кіріп, «CHEVROLET» үлгісіндегі автокөлігін сатып беремін деп уәде беріп, көлікті иемденіп алған. Осылайша алаяқ қала тұрғынын алдап жүріп, автокөлігін сатып жіберген. Алаяққа алданғандығын түсінген азамат дереу Қызылорда қаласының Полиция басқармасына арызбен жүгінген.
Жәбірленушіге 6 миллион 300 мың теңге көлемінде шығын келтірілді.
Полиция қызметкерлері жедел-іздестіру шараларының нәтижесінде 28 жастағы күдіктіні анықтап, қолға түсірді. Алаяқтық қылмысына күдіктелген облыс тұрғыны басқарманың уақытша ұстау изоляторына қамалды. Оның басқа да осыған ұқсас қылмыстарға қатыстылығы тексерілуде.
Аталған дерек бойынша сотқа дейінгі тергеп-тексеру әрекеттері жүргізіліп, оқиғаның мән-жайлары анықталуда.
Сурет ашық дереккөзден алынды.
Пікірлер жоқ. Бірінші болыңыз!