HALYQLINE.KZ Соңғы үш күнде Италиядағы Жерорта теңізі жағалауына 1500-ге жуық адам тұрақтаған. Оларды шекарашылар мен Италия кеден полициясы теңізде құтқарды. Бұл адамдардың көпшілігі Босқындар ісі жөніндегі басқарманың (БҰҰ БЖКБ) хабарлауынша, Ливиядан келген, олар бұл жерге жарамсыз қайықтармен ұзақ сапарға шыққан. Сол себептен қайғылы жағдайларға кезігуде, – деп хабарлады БҰҰ.
Жағадағы құтқару жұмысына қатысқан БҰҰ БЖКБ қызметкерлерінің айғақтарына сәйкес, олардың арасында балалар да бар. Мигранттардың көп бөлігі – Мали мен Батыс және Солтүстік Африкадан келгендер. Олар өз үйлерін әртүрлі себептермен тастап кеткен. Біреулері қарулы қақтығыстар мен соғыстардан, басқалары қуғын-сүргіннен немесе саудагерлерден қашады. Еуропаға тек бірнеше адам жетеді. Бұл БҰҰ БЖКБ-да айтылғандай, «Айсбергтің ұшы» ғана. Басым көпшілігі, шамамен 80 пайызы көрші елдерде қоныстанған. Мысалы, Сахел облысында 5,4 миллион босқындар мен мәжбүрлі қоныс аударушылар бар.
2015 жылдан бастап Еуропаға келетін мигранттардың саны азайған, бірақ осы жылдың басынан бастап 10 400 адам Еуропа жағалауына қонды. Бұл өткен жылдың сәйкес кезеңімен салыстырғанда 170 пайызға артық.
БҰҰ БЖКБ мигранттар арасындағы өлімнің көбеюіне қатты алаңдайды. Тек осы жылы Жерорта теңізінен өтуге тырысып, кем дегенде 500 адам қаза тапқан. Өткен жылдың осы кезеңінде құрбан болғандар саны 150 болса, яғни бұл көрсеткіш қазір 200 пайыздан асып тұр.
– Қайғылы жағдайлар Жерорта теңізінің орталық бөлігінде қиын жағдайға тап болған адамдарды іздеу-құтқару жүйесін қалпына келтіру қажеттілігін көрсетеді, – делінген БҰҰ БЖКБ хабарламасында.
БҰҰ пандемияға қарамастан басқа Еуропалық елдерді босқындар мен мигранттарға ынтымақтастық танытуға шақырып, өз порттарын жабудан бас тартқан Италияның шешімін құптайды.
Сондай-ақ, БҰҰ БЖКБ өкілдері Ливиядағы жағдайдың нашарлауы адамдарды үмітсіз қадамдарға итермелейтінін атап өтті.
– Соңғы бірнеше күнде куәгерлер, соның ішінде балалар бізге көптеген ұстау, қатыгездік және адам өміріне немқұрайлы қарау жағдайлары туралы айтты. Тірі қалғандар жиі алған жарақаттарына байланысты ауыр психологиялық проблемаларға ұшырайды, – дейді БҰҰ қызметкерлері.
БҰҰ-ның босқындар кеңсесінің өкілдері халықаралық қауымдастықты болып жатқан жағдайға көз жұмбауға және Жерорта теңізі арқылы қауіпті сапарға шыққандарды қорғауға, сондай-ақ олар үшін баламалы қауіпсіз жолдар ашуға шақырады.
Фото Фронтекс/Ф.Малаволта
Пікірлер жоқ. Бірінші болыңыз!