HALYQLINE.KZ Бүгін қала әкімі Нұрлыбек Нәлібаев пен Мемлекеттік қызмет істері агенттігінің Қызылорда облысы бойынша департаментінің басшысы Рафхат Бисенов аңадан ашылған «Электрондық қызметтерді өздігінен алу» орталығына барып, жұмысымен танысты.
Жаңа орталықтың жұмысымен таныстырған «Азаматтарға арналған үкімет» мемлекеттік корпорациясының Қызылорда облысындағы филиалының директоры Айдын Қайруллаев орталықтың халыққа қызмет көрсетудегі тиімділігі мен артықшылықтарын жеткізді.
Шаһар басшысы мемлекеттік қызметті электронды түрде алудың пайыздық үлесін арттыру бұл мемлекеттік қызмет көрсетуді халыққа қолжетімді етуге берілген басымдық екенін атап өтіп, халыққа қолайлы жағдай жасау мақсатында қызмет көрсету сапасын арттыруға бағытталған жұмыстар өз жалғасын табатындығын айтты. Орталық электрондық қызмет алуға жүгінген азаматтарға тегін қызмет көрсетеді. Қызмет көрсетуге қажетті техникалық құрал-жабдықтармен толық қамтылған.
Айта кетейік, жаңа орталық Қызылорда қаласының әкімдігі, Мемлекеттік қызмет істері агенттігінің Қызылорда облысы бойынша департаменті және бірлескен жобасы аясында ашылған.
Бұған дейін қала әкімдігіне қарасты қызмет көрсетуге жауапты мекемелерде Қызмет алушыларға электрондық түрде көрсетілетін мемлекеттік қызметтердің қолжетімділігін қамтамасыз ету мақсатында 15 «Өзіне-өзі қызмет көрсету бұрыштары» іске қосылған.
Мемлекеттік көрсетілетін қызметтердің тізіліміне сәйкес бүгінгі күнге қала әкімдігіне қарасты мемлекеттік мекемелермен (кент/ауылдық округ әкімінің аппараттары қалалық дербес бөлімдер және оларға ведомстволық бағынысты ұйымдармен) жалпы 80 қызмет түрі көрсетілсе, оның ішінде 59 қызмет түрі электрондық форматта жүзеге асырылады.
Ағымдағы жылдың қаңтар – қараша айлары аралығында осы қызмет түрлері бойынша электрондық нысанда 46 мың 184 өтініш қабылданған.
Қызылорда қаласы әкімдігінің баспасөз қызметі
Пікірлер жоқ. Бірінші болыңыз!