Қызылорда облысында жол қозғалысы қауіпсіздігін қамтамасыз ету және жол-көлік оқиғаларының алдын алу бағытында рейдтік-профилактикалық іс-шаралар жүргізілуде.
Атап айтқанда, белгіленген жылдамдықты асырудың 1 738 дерегі, қауіпсіздік белдігі мен мотошлемді пайдалану және жолаушылар мен жүктерді тасымалдау талаптарын бұзудың 2 052 дерегі тіркелді.
Сонымен қатар маневр жасау қағидаларын бұзудың 238, қарсы бағытқа шығу және басып озу ережелерін бұзудың 50, жаяу жүргіншілерге жол бермеудің 157 дерегі анықталды. Сондай-ақ тиісті құжаттарсыз немесе көлік құралын басқару құқығынсыз жүрудің 239 дерегі тіркелді.
Полиция қызметкерлері жол қозғалысы ережелерінің сақталуын бақылауды жалғастырып, жол-көлік оқиғаларының алдын алу бағытында жүйелі жұмыстар жүргізуде.
Құрметті жол қозғалысына қатысушылар! Жол ережелерін сақтап, жылдамдықты асырмаңыздар. Өйткені жолдағы қауіпсіздік – әр адамның жауапкершілігі. Өз өміріңіз бен өзгенің өмірін қорғаңыз!
Пікірлер жоқ. Бірінші болыңыз!