Каспий теңізінде әскери оқу-жаттығу кезінде қаза тапқан әскери қызметшілердің саны 12-ге жетті. Тағы екі әскери қызметші іздестіріліп жатыр, деп хабарлайды Halyqline.kz.
Нақтыланған мәлімет бойынша, оқу-жауынгерлік тапсырманы орындау кезінде ауа райы күрт нашарлап, жел күшейген. Салдарынан 17 әскери қызметші суға кеткен. Олардың 12-сі қаза тауып, үшеуі құтқарылған. Қалған екі әскери қызметшіні іздеу жұмыстары жалғасып жатыр.
Премьер-министрдің орынбасары Қанат Бозымбаев бастаған Үкіметтік комиссия оқиға орнында жұмыс істеп жатыр. Ол із-түзсіз кеткен екі әскери қызметшіні барлық күш пен құралды тарта отырып, тәулік бойы іздеуді тапсырды.
Қаза тапқан әскери қызметшілердің отбасыларына материалдық және өзге де көмек көрсету тапсырылған. Оқиғаның мән-жайын уәкілетті органдар анықтап жатыр. Бұған дейін әскери қызметшілердің қазасына байланысты қылмыстық іс қозғалған.
25 қыркүйек Қазақстанда жалпыұлттық аза тұту күні болып жарияланды.
Пікірлер жоқ. Бірінші болыңыз!