Halyqline.kz – үздіктер қатарында!

Жерлестеріміз жоғары нәтиже көрсетті

08.12.2020, 10:00 345

HALYQLINE.KZ Қостанай қаласында грепплинг және грепплинг гиден ересек ерлер мен әйелдер арасында өткен ҚР чемпионатында қызылордалық спортшылар жоғары дәрежеде өнер көрсетті.

Қаламыздағы Қажымұқан Мұңайтпасұлы атындағы спорт клубының спортшылары ел біріншілігінде 4 алтын, 1 күміс, 9 қола медалді иеленіп, жалпыкомандалық есепте 17 құраманың арасында 3-орынға жайғасты.

Әлем мықтыларымен түрлі додаларда шеберлік сынасып, тегеурінді текетіресіп, ел мерейін асырып жүрген Ғани Әділсерік Қазақстан чемпионатында қарсыластарына дес бермей, шеберлігін тағы бір мәрте дәлелдеп, тұғыр биігіне көтерілді. Ал әйелдер арасында боз кілемге шыққан жерлесіміз Руза Дуктурбаева грепплингтің екі түрінен де жеңімпаз атанып, қос алтынмен қоржынымызды молайтса, өз салмағында шеберлігімен дараланған Арайлым Ханзада да алтын медальді иеленді. Осылайша, Бақыт Ташимов жаттықтыратын бұрымдылар 3 алтын медальды қоржынға салып, Қазақстан чемпионы атанды.

Жарыстағы жалғыз күміс жүлдені ерлер арасында сынға түскен Данияр Абубакиров қанжығаласа, 9 жерлесіміз біріншіліктің қола жүлдегері болды. Айта кетейік, Сыр спортшыларын шыңдап, ел чемпионатына дайындаған білікті бапкер, грепплингтен облыстың аға жаттықтырушысы – Арман Маделханов.

Пікірлер жоқ. Бірінші болыңыз!

Пікір жазыңыз

Тағы да оқыңыз: