Философ Генри Дэвид Торо осыдан екі ғасырға жуық уақыт бұрын бүгінгі тұтынушылық қарқын шектен тыс артқан заманда бұрынғыдан да өзекті болып отырған мынадай ой жазып қалдырған:
«Кез келген нәрсенің шынайы құны дегеніміз – оны иелену үшін өміріңнен айырбастауға мәжбүр болатын уақыт мөлшері».
Жаңа телефон саған 1000 АҚШ долларына түскені ғана емес…
Ол сенің өміріңнің 160 сағатын алып қойғанын білдіреді…
Автокөлікті бес-алты жылға несиеге сатып алғанда, сен жай ғана ай сайынғы төлемді төлеп жүрген жоқсың…
Сен мыңдаған сағаттық еңбегіңді, таң сәріден тұрып жоғалтқан ұйқыңды, күнделікті кептелістегі уақытыңды, күйзелісіңді және отбасыңнан жырақта өткізетін демалыс күндеріңді беріп жатырсың…
Мұның бәрі жолға шыға салысымен өз құнының 20 пайызын жоғалтатын темір тұлпар үшін…
Өзгелерге әсер қалдыру үшін төрт жылдық өміріңді құрбан етуге сол бедел шынымен тұрарлық па?
Ақша келеді де, кетеді…
Ал өткен бір минут ешқашан қайта оралмайды…
Сен өзіңе мүлде көңіл бөлмейтін адамдарға әсер қалдыру үшін қажетсіз заттарды сатып алғанда, ақшаңды ғана жұмсап жатқан жоқсың…
Сен өз өміріңді де босқа жұмсап жатырсың…
Бұл тақуа адамдай өмір сүру немесе өзіңе сыйлаған әрбір ләззат үшін өкіну туралы емес…
Бұл дегеніміз әрбір нәрсенің ақысын шын мәнінде немен төлеп жүргеніңді түсіну және өз өміріңнің құндылығын сезіну туралы…
Келесі жолы қандай да бір затты көңіл күйдің жетегінде кетіп сатып алғың келгенде, оның бағасына ғана қарама…
Өзіңе мына сұрақты қой:
«Осы затты иелену үшін жұмсайтын өмір уақытым оған шынымен тұрарлық па?».
Пассивті табыс қалыптастырудың шынайы мәні де осында…
Бұл дегеніміз сиқырлы формулаларды іздеу немесе көзге түсер сән-салтанатты заттарды жинау туралы емес…
Бұл қаржылық еркіндіктің ең үлкен көрінісіне, яғни өз уақытыңды қайтадан өзіңе қайтарып алуға қатысты.
Өзің әр сағатыңды тікелей еңбекке жұмсамай-ақ құндылық жасап, табыс әкелетін активтерді, инвестицияларды және табыс көздерін қалыптастыру арқылы уақытыңды ақшаға айырбастайтын шеңберден біртіндеп шыға бастайсың…
Қарыздарыңды өтеу үшін өміріңнің күндерін құрбан етуді тоқтатып, өз уақытыңның шынайы иесіне айнала бастайсың…
Түптеп келгенде, жетістік тек қанша ақша тапқаныңмен өлшенбейді…
Нағыз жетістік деген өзің қалағандай өмір сүруге қанша уақытың мен еркіндігіңнің қалғанымен өлшенеді…
Амантай ТОЙШЫБАЙҰЛЫ
Пікірлер жоқ. Бірінші болыңыз!