Halyqline.kz – үздіктер қатарында!

Сыбайлас жемқорлыққа қарсы сараптама жүргізу талқыланды

01.02.2020, 16:05 328 1

ҚР Сыбайлас жемқорлыққа қарсы іс-қимыл Агенттігі мен «Қазақстанда парламентаризмді дамыту қоры» қоғамдық қорының ұйымдастыруымен Қызылорда облысынында сыбайлас жемқорлыққа қарсы ғылыми сараптама жүргізу бойынша семинар өтті.

Семинар кеңестің негізгі мақсаты – өңірдегі орталық жəне жергілікті органдардың нормативтік құқықтық актілеріне сыбайлас жемқорлыққа қарсы сараптама жүргізу ісін қайта қалпына келтіру.

Семинар барысында Қазақстандағы парламентаризмді дамыту Қорының президенті, Республикалық Арнайы мониторингтік топ басшысының орынбасары Зəуреш Батталова нормативтік-құқықтық акті жобаларына сыбайлас жемқорлыққа қарсы сараптама жүргізудің маңыздылығына кеңінен тоқталып, ашық диалогтық сұхбат құрды.

Тыңдаушыларға сараптама жасаудың негізгі қағидалары мен жүйесін, техникасы мен мақсатын, сараптама өткізудің мерзімдері мен сыбайлас жемқорлыққа қарсы сараптама қорытындысының құрылымын, мазмұны мен ақпараттың ашықтығына және қолжетімділігіне қатысты құнды ақпараттар берілді.

Сондай-ақ, Қазақстандағы парламентаризмді дамыту қорының еркін Заңнама институтының ғылыми жетекшісі, Республикалық Арнайы мониторингтік топ мүшесі, заң ғылымдарының кандидаты, адвокат Мереке Ғабдуалиев практика жүзінде сыбайлас жемқорлыққа қарсы сараптама жүргізу процесіне кеңінен тоқталып өтті.

Ұйымдастырушылардың айтуынша, бұл механизм заңнамалық және нормативтік-құқықтық актілерді әзірлеу сатысында ықтимал сыбайлас жемқорлық тәуекелдерін анықтауға және жоюға мүмкіндік береді.

Шара соңында қатысушыларға тақырыпты кеңінен түсіндіру мақсатында практикалық жаттығулар ұйымдастырылды.

Қазақстан Республикасының

Cыбайлас жемқорлыққа қарсы іс-қимыл агенттігінің

Қызылорда облысы бойынша департаменті

Пікірлер:
  • Сыбайлас жемқорлықтың алдын алу, болдырмау, заң бұзушылықтарды жою жəне номативтік құқықтық актілердегі қарама қайшылықтарды түзетудің,нақтылаудың бірден-бір механизмі сараптама деп есептеймін. Сараптама антикоррупционный өте маңызды құрал.

Пікір жазыңыз

Тағы да оқыңыз: