Қызылорда облысындағы ауруханалар жеке компанияға 73 миллион теңге артық төлеген

HALYQLINE.KZ
Қызылорда облысының прокуратурасы медициналық қызмет көрсететін жекеменшік серіктестікке негізсіз төленген 73 миллион теңгені қайтаруды қамтамасыз етті. Екі аудандық аурухана келісімшартта көрсетілген сомадан артық төлем жасаған.
Бұл заңбұзушылықтар Әлеуметтік медициналық сақтандыру қорының облыстық филиалындағы шығыстардың заңдылығын тексеру барысында анықталды.
Прокуратура деректеріне сәйкес, Жаңақорған аудандық орталық ауруханасы 2023 жылы жекеменшік жауапкершілігі шектеулі серіктестікке келісімшарттағы сомадан артық 33,1 миллион теңге, ал 2024 жылы тағы 6,6 миллион теңге төлеген.
Ал, Арал аудандық орталық ауруханасы 2023 жылы шығындардың белгіленген шегін 13,8 миллион теңгеге, ал 2024 жылы 18,6 миллион теңгеге асырған.
Прокуратура негізсіз төлемдердің жалпы сомасын 73 миллион теңге деп бағалады. Есепте жеке компанияның атауы көрсетілмеген.
Прокуратураның араласуынан кейін заңбұзушылықтар жойылып, жауапты лауазымды тұлғалар тәртіптік жауапкершілікке тартылды. Қаражат сот шешімдеріне сәйкес толық көлемде өндіріп алынды.





Көрнекі сурет ашық дереккөзден алынды.