Қасқырдың соты (мысал)

Қасқыр;

— Бұдан былай —

шөп жеймін! — деп,

ант берді.

Қойлар шулап

«Жеңдік!»- десіп

жатты енді.

Атбекеті* түлкі еді,

Қасқырдың,

Қол ұстасып

мұхит асып

жалт берді.

Он іздеп —

қой бишара

табар ма?!

«Баршаңызға өтініш!

Басқа қасқыр

Бізге «достық» ниетте,

Шөп жейтұғын

қасқыр көрсең хабарла?»…

* * *

Сонымен;

Қасқыр, қойға үйленді

Моп-момақан күйге енді,

Шөп жегенін көргем жоқ,

Маңырауды үйренді…

Арыстандай ақырған

Бар деп еді ағасы,

Қой жетектеп қасқыр жүр —

Ақталады-ау шамасы…

Азғана күн осылай

Қасқыр мен қой тең болды,

Заң қысқарып қасқырға-

Қой бейшара жем болды.

Алмас Алматов

Фейсбуктегі парақшасынан алынды.

Астана. 04.02.2025