Құтқарушылар төтенше жағдайға қашанда дайын

Төтеншеліктер үшін әр секунд маңызды. «Жаттығуда қиналсаң, ұрыста жеңіл болады» дегендей, сол секундтың қадірін білу үшін ұдайы дайындық керек. Қызылорда облысы ТЖД өрт сөндіру және авариялық құтқару жұмыстар­ы қызметі жедел-құтқару жасағының құтқарушылары мен «Қаз­АвиаСпас» АҚ бірігіп, оқу-жаттығу жұмыстарын жүргізді.

Жақында Өрт сөндіру қызметінің жедел-құтқару  жасақ  қызметкерлері және бір кинологиялық есептобы «Қорқыт ата» халықаралық әуе­жайының  аумағынан  Еврокоптер  ЕС-145 әуе кемесімен Шаған ауылы маңында­ зардап шеккен азаматты құт­қару мақсатында жоғар­ы көтерілді. Жоспар бойынш­а оқиға орнына­ жеткен экипаж елді меке­н тұсында зардап­ шеккен азаматты іздестіру жұмыстарына кинологиялық есептопты жібереді. Қалған құтқарушылар табылған азаматты зеңбілм­ен тасымалдап, еврокоптер тікұшағын­а орналастырып, алғашқы дәрігерге дейінгі көмек көрсетіп, облыстық­ медициналық орталығына әкеледі­. Сала мамандары бұл жұмыстың қиындығы көп екенін айтады. Тіпті, жоғал­ған адамның жақындарымен бірге жаны ауыратынын жеткізді. «Жоғалған адамның туыстары жақынының иә тірі, иә өлі екенін білмей, күтумен күн өткізеді. Бұл өте ауыр жағдай» дейді олар.

– Мәселен, өткен жылдың қараша айында Арал ауданы Тастүбек елді мекені­ Кіші Арал теңізіне балық аулауға шығып қайта оралмаған екі балықшыға­ іздестіру жұмыстарын жүргіздік. Құтқарушылардың кәсіби іс-қимылының нәтижесінде біреуінің денесі туыстарына табысталды. Алайда екінші азаматтың мүрдесі әлі күнге дейін табылмады. Біздің негізгі мақса­тымы­з – жоғалған адамды тауып, оған алғашқы медициналық жәрдем көр­сету, – дейді Жедел-құтқару жасағы басшысының орынбасары Мейрамбек Доспенбетов.

Құтқарушылар мұндай мысалды мыңдап келтіруге бар. Жақында Қызылорда­ қаласы, Тасбөгет кентінде 10 жастағы бала суға ағып кеткен еді. Жасөспірімнің денесі 3 күннен кейін Абай ауылының маңындағы канал­дардың бірінен табылған.

– Тұрғындардың дені кәсіби құтқарушылардан бөлек, балгерлердің айтқан­ сөзіне сенеді. Олар қай маңды сілтесе, бізден сол аумақты барлап шығуды өтінеді, – дейді құтқарушы. 

Мамандар облыс тұрғындарын суға түсу маусымы кезінде аса сақ болуға шақырды. Себебі, су – тілсіз жау.

Қ.Жасаралұлы