Танымал стендап-комик Нұрлан Сабуровқа қатысты Қазақстан Республикасының Бас прокуратурасына өтініш жолданды. Әлеуметтік желілерде тараған мәліметке сәйкес, белсенді Марат Турымбетов құзырлы органға ресми арыз түсіріп, комиктің әрекеттерін тексеруді сұраған.
Ақпаратта айтылғандай, өтінішке интернетте бұрын жарияланған бейнежазба себеп болған. Белсендінің мәлімдеуінше, видеода көрсетілген жайттар мүлік немесе қаржылай көмектің қарулы қақтығысқа қатысы бар тұлғаларға берілуі мүмкін деген күдік тудырады. Осыған байланысты ол жарияланған материалдарға құқықтық баға беруді және заң бұзушылық анықталған жағдайда тиісті процессуалдық шаралар қабылдауды сұрап отыр.
Марат Турымбетовтің айтуынша, ол бұл қадамға ресми тексеру жүргізілуі үшін барған. Сонымен қатар, егер таратылған ақпарат расталмаса, өз жауапкершілігін көтеруге дайын екенін де білдірген.
Айта кетейік, бұған дейін Марат Турымбетовтің есімі ақпарат құралдарында бірнеше рет аталған. Ол Орал қаласы әкімдігімен соттасып, митинг өткізуге рұқсат беруден бас тартқан әкімдік шешімін заңсыз деп тану жөніндегі істі ұтып шыққан.
Қазіргі таңда Бас прокуратура тарапынан аталған өтінішке қатысты ресми түсініктеме берілген жоқ.
Пікірлер жоқ. Бірінші болыңыз!