HALYQLINE.KZ Қазақстан үздік теннисшісі Елена Рыбакина әлемнің алтыншы ракеткасы атанды.
Әйелдер теннисі қауымдастығының (WTA) live рейтингінде Е.Рыбакина жетінші сатыдан алтыншы орынға көтерілді.
Бұған дейін дүниежүзілік рейтингте 4-сатыда тұрған Тунис өкілі Онс Жабер жарақатына байланысты Испания астанасы Мадридте өтіп жатқан WTA 1000 турниріне қатысудан бас тартты.
«Медициналық тексеру менің жіліншігімде жарақат бар екендігін көрсетті, сондықтан қалпыма келу үшін уақыт керек. Сондықтан, өкінішке қарай, Мадридтегі биылғы турнирде өнер көрсетпеймін. Өз титулымды қорғай алмаймын», деп жазды Жабер әлеуметтік желіде.
Мадрид жарысының өткен жылғы чемпионы О.Жабер биыл сол атағын қорғауға тиіс болатын. Сондықтан ол жарыс біткеннен кейін 1000 (мың) рейтингілік ұпайынан айырылады.
Тунистік теннисші өткен аптада Штутгарт WTA 500 жарысының жартылай финалына дейін жетіп, онда 20 минуттай ойнап, жарақаты салдарынан матчты жалғастыра алмаған еді.
Назарларыңызға әлемдегі ең үздік 7 теннисшінің кестесін ұсынамыз.
Пікірлер жоқ. Бірінші болыңыз!