Қазір бокстан Ташкенттегі (Өзбекстан) әлем чемпионатында ширек финалдық жекпе-жектер өтіп жатыр.
1/4 финалда қазақстандық боксшы Серік Теміржанов кубалық Сайдель Хортамен кездесті. 57 келіге дейінгі салмақ дәрежесіндегі жекпе-жекте Серік қолының ұзындығын пайдалана алмады. Төрешілердің бірауыздан қабылдаған шешімімен кубалық боксшы 0:5 есебімен жеңіске жетті.
Теміржанов әлем чемпионатында бұған дейін малилік Абдул Батили мен венгриялық Ролан Вересті жеңген болатын.
Ал өткен жылғы әлем біріншілігінде ол финалға шығып, күміс жүлде еншіледі.
Пікірлер жоқ. Бірінші болыңыз!