Орталық сайлау комиссиясы Қазақстандағы кезектен тыс президент сайлауының алдын ала қорытындысын жариялады. Бұл туралы арнайы ұйымдастырылған брифингте белгілі болды.
Сайлаудың алдын ала қорытындысын Орталық сайлау комиссиясының төрағасы Нұрлан Әбдіров мәлімдеді.
Оның сөзінше, Қазақстанда дауыс беруге құқылы 11 953 465-тен астам адамның 8 300 046-сы дауыс берген. Дауыс берушілердің 69,44 пайызы қатысқан.
Сайлау қорытындысы бойынша президенттікке үміткерлер төмендегідей дауыс жинады:
Қарақат Әбден – 2,6 пайыз (206 206 адам);
Нұрлан Әуесбаев – 2,22 пайыз (176 116 адам);
Жигули Дайрабаев – 3,42 пайыз (271 641 адам);
Мейрам Қажыкен – 2,53 пайыз (200 907 адам);
Қасым-Жомарт Тоқаев – 81,31 пайыз (6 млн 456 392 адам);
Салтанат Тұрсынбаева – 2,12 пайыз (168 731 адам);
Бәріне қарсымын пункті – 5,08 пайыз (464 484 адам).
Пікірлер жоқ. Бірінші болыңыз!