Аязды күн райы ай соңына дейін сақталады

Бүгіннен бастап облыс бойынша күн күрт салқындады. Ауа температурасы түнде -20-25, облыстың оңтүстігінде -15, күндіз -5-10, облыстың оңтүстігінде -2 аяз шамасында. 15-20 ақпан күндері солтүстіктен соққан желдің екпіні 23-28 м/с күтіледі. Мамандар айтуы бойынша үшінші онкүндіктің ортасы мен аяғында ауа температурасы түнде -8-13, облыстың оңтүстігінде -5 аязға дейін, күндіз -5+5 аралығына дейін жоғарылайды. Ақпан айының екінші жартысында жауын-шашынның түсуі өте аз мөлшерде болады.