Ұлттық құрылтайда сөз сөйлеген «Әділ сөз» қорының жетекшісі Қарлығаш Жаманқұлова ақпараттық кеңістіктегі байланыстарды нығайтып, отандық бұқаралық ақпарат құралдарын қолдау қажеттігін атап өтті.
Оның айтуынша, өңірлік басылымдарды дамыту арқылы ел ішінде өзіміздің ақпараттық нарративтерімізді қалыптастыруға мүмкіндік туады. Бұл сыртқы ықпал күшейіп отырған кезеңде аса маңызды.
— Өңірлік басылымдарды дамыта отырып, біз өзіміздің ақпараттық нарративтерімізді қалыптастыра аламыз. Сыртқы ықпал күн сайын артып келеді. Сондықтан болып жатқан оқиғалардың мазмұнын өзіміз айқындап, оны түсіндірудің логикасын да өзіміз құруымыз керек. Ол үшін медиасауаттылықты жүйелі түрде күшейту қажет. Медиасауаттылық қоғамды сыртқы манипуляциялардан қорғайды. Медиасауатты азаматтар жалған ақпаратты ажырата алады. Бірқатар қиындықтарға қарамастан, отандық бұқаралық ақпарат құралдары өз жұмысын жалғастырып келеді, — деді Қарлығаш Жаманқұлова.
Ол ақпараттық қауіпсіздікті қамтамасыз етуде медиасауаттылықтың рөлі ерекше екенін айтып, бұл бағыттағы жұмысты күшейту қоғам үшін маңызды екенін жеткізді.
Коллаж: halyqline.kz
Пікірлер жоқ. Бірінші болыңыз!