Бұл туралы Сыбайлас жемқорлыққа қарсы іс қимыл агенттігінің төрағасы Марат Ахметжанов хабарлады.
– Медицина мамандары вакцинациялау паспорттарын қолдан жасауға дейін жетіп отыр. Кеше ғана үш өңірде вакцинация паспорттарын сатып келген медицина қызметкерлері ұсталды. Олар іс жүзінде екпе алмаған адамдардың құжатын рәсімдеп, вакцинаның көзін жойып отырған. Көріп отырғандарыңыздай халықтың денсаулығы баюдың көзіне айналған. Ал бюджеттен бөлінген ақша желге ұшып жатыр», – деді Марат Ахметжанов агенттіктің алқа мәжілісінде. Оның сөзінше, вакцинация паспортын жасаушылар сыбайлас жемқорлыққа ғана барып қоймай, қоғам қауіпсіздігін бұзып отыр.
– Құрметті әріптестер, вакцинация туралы жалған паспорт алған адамдар арамызда жүргенін, ғимаратта бірге болып, бізбен бірге көлікте кетіп бара жатуы мүмкін екенін айтқым келеді. Бұл жерде тек қана жемқорлық қылмысы жасалып отырған жоқ. Сонымен бірге қоғамның, ұлттың денсаулығына қауіп төніп тұр. Бұл бағыттағы жұмыстар жалғаса береді, – деді агенттік төрағасы.
Пікірлер жоқ. Бірінші болыңыз!