Halyqline.kz – үздіктер қатарында!

Жалағашта «Жасыл аймақ» апталығы өтіп жатыр

24.04.2024, 17:55 834

Бүгін «Таза Қазақстан» республикалық экологиялық акциясының «Жасыл аймақ» апталығына орай аудан тұрғындары мен ерікті жастардың қатысуымен «Тағзым» аллеясында тал егу рәсімі өткізіліп, санитарлық тазарту жұмыстары жүргізілді.

Іс-шара барысында аллеядағы Социалистік еңбек Ері, мемлекет және қоғам қайраткерлері және Ауған соғысына, Семей, Чернобыль апаты зардаптарын жоюға қатысушылардың құрметіне арналған ескерткіш аумағында талдарды әктеу, санитарлық тазалық жұмыстары ұйымдастырылып, көркейту-көгалдандыру бағытында 100 түп сыр талы мен терек көшеттері отырғызылды. Сонымен бірге, кент көшелеріндегі аяқсу арналары тазартылып, талдар әктелді. Акцияға барлығы 70 адам белсенді қатысты.

Айта кетейік, «Жасыл аймақ» апталығына орай өңірде көркейту-көгалдандыру бағытында шаралар кент орталығынан бөлек барлық елді мекендерде жалғасуда.

Пікірлер жоқ. Бірінші болыңыз!

Пікір жазыңыз

Тағы да оқыңыз: