Өткен аптада «жемқорлық күдігімен» ұсталған Шымкент қаласы әкімінің орынбасары Мақсұт Исахов екі айға қамалды. Бұл ақпаратты ұлттық қауіпсіздік комитетінің баспасөз қызметне сүйенген жергілікті ақпарат агенттіктері хабарлады.
«21 шілдеде Шымкент қаласының мамандандырылған тергеу соты Шымкент әкімінің орынбасары Мақсұт Исаховқа бұлтартпас шара ретінде екі айға қамау шарасын тағайындады» деп жазылған ҰҚК хабарламасында.
Мақсұт Исаховты 20 шілдеде ҰҚҚ прокуратураның араласуымен ұстаған. ҰҚК өзге ақпарат жарияламаған, тергеу құпиясына сілтеген.
49 жастағы Мақсұт Исахов Шымкент қаласы әкімінің орынбасарлығына 2020 жылы ақпанда тағайындалған. Оған дейін екі жыл Қазақстан президенті әкімшілігінде мемлекеттік инспектор болып істеген.
Әр жылдары «Қазақстан темір жолы» компаниясында қызмет еткен, Шығыс Қазақстан облысы әкімі аппараты жетекшісінің орынбасары, автожол және жолаушылар көлігі басқармасының бастығы, Өскемен қаласы әкімінің орынбасары, Алматы қалалық жолаушылар көлігі басқармасының бастығы болған.
Әкімнің орынбасары ұсталған күні көптеген желі қолданушылары Исаховты іскер азамат деп атаған.
Пікірлер жоқ. Бірінші болыңыз!