Halyqline.kz – үздіктер қатарында!

Теріс ақпарат прогресті тежейді

06.10.2021, 11:45 63 0

HALYQLINE.KZ Ғалымдар, заңгерлер, дәрігерлер, тұтынушылар және қоғамдық ұйымдардың өкілдері темекі және никотин өнеркәсібінің болашағын Темекі және никотин жөніндегі жаһандық форумда 2021 (GTNF) талқылады. Биыл Лондонда гибридті форматта миллиардтан астам темекі шегушілерге қатысты мәселелер талқыланатын дәстүрлі форум өтті.

Зиянды азайту тұжырымдамасын жақтаушылар өздерінің жаман әдеттерін қоя алмайтын немесе қаламайтын темекі шегушілерге зияны азырақ баламаны ұсынғысы келеді. Олар никотинді жеткізу құралдарының темекіге қарағанда денсаулыққа аз қауіп төндіретіні туралы ғылыми негізделген дәлелдер келтіреді.

Никотин темекі шегудің ең танымал салдары – онкологиялық аурулардың себебі болып табылмайтыны бұрыннан дәлелденген. Денсаулыққа негізгі зиян темекіні жағу процесіне және темекі шегушінің өкпесіне шайырлар мен басқа да зиянды заттардың түсуіне байланысты. Жану процесінің болмауы денсаулыққа төнетін көптеген қауіптердің төмендеуіне әсер етеді. Дегенмен, никотин зиянсыз емес және әдеттенуді тудырады. Сондықтан бүкіл әлемдегі миллиондаған темекі шегушілерге өздерінің жаман әдеттерінен арылу оңай емес.

«Темекі шегушілер тәуелді болып қалған және әдеттерінен мүлдем бас тартуға дайын болмаса, зияны азырақ нәрсеге тәуелді болғанын қалаймыз», – деді Онассис Кардиохирургия орталығының ғылыми қызметкері Константинос Фарсалинос.

«Инновация қалай жұмыс істейді?» кітабының авторы, жазушы және Лордтар Палатасының мүшесі Мэтт Ридли қыздырылатын темекінің инновациялық жүйелері мен электронды темекілерді өмірді сақтап қалуға қабілетті вакциналармен салыстырды.

«Вакциналар салыстырмалы түрде аз қауіп төндіретінін бәлкім білетін боларсыз. Вакцинамен байланысты қауіптер covid-19 ауру қаупінен әлдеқайда аз. Бұл зиянды азайту тұжырымдамасы – қауіпті нәрсені болдырмау үшін қауіптілігі азырақ нәрсені қабылдау. Бұл вейпинг пен басқа да қаупі төмен өнімдердің пайдасына дәлел. Олар мүлдем зиянсыз емес, бірақ олардың зияны аздау», – деп санайды Мэтт Ридли.

Сарапшылар атап өткендей, инновация әрқашан танымал деген – бұл миф. Барлық жерде және әр жерде адамдар жаңа нәрселерден қорқады және бұған тарихта көптеген дәлелдер бар.  Сонымен, 1940 жылдары АҚШ-тың көп аймағында маргаринге тыйым салынған болатын, себебі сүт өнеркәсібі оған қарсы науқан жүргізді. 18 ғасырда Лондонда кэб иелері жаңа құрылғы – қолшатырдың қауіптілігі туралы айтты, өйткені жаңбырлы ауа-райында қолшатырлар оларды клиенттерінен айырған. Ал табиғи мұзды өндіру индустриясы бір кездері адамдарды тоңазытқыштардың қауіптілігімен қорқытқан, олар кейіннен бүкіл әлемде тамақтан улану санын күрт азайтты.

Ғылыми зерттеулермен таныс адамдар үшін электронды темекінің, вейпингтің және қыздырылатын темекінің қауіпсіздігі күмән тудырмайды.

«Көптеген клиникалық зерттеулер темекі шегушілерге қарағанда вейпинг қолданушыларының денсаулығының кейбір көрсеткіштері әлдеқайда жақсы екенін көрсетті. Англияның Қоғамдық денсаулық сақтау және Корольдік колледждің электронды темекі мен қыздырылатын темекі әдеттегі темекіге қарағанда 95% қауіпсіз екендігі туралы жиі айтылатын пікірі бұл айырмашылықты бағаламайды», – деп атап өтті Мэтт Ридли

Егер темекі шегушілерді темекіні жандырусыз қауіптілігі төмен пайдалану тәсілдеріне өтуге көндірсек, бұл миллиондаған адамдардың өмірі мен денсаулығын сақтап қалады. Сонымен қатар, балама өнімдер туралы көптеген жалған мәліметтер бұл процеске кедергі келтіреді.

«Теріс ақпарат адамдарға қауіп-қатері төмен өнімге ауысуға кедергі келтіреді. Зерттеулер көрсеткендей, темекі шегушілердің 63% түтінсіз өнімдерге қатысты айқындылық болса, балама нұсқаларға ауысуы мүмкін», – деп белгіледі Philip Morris International ғаламдық ғылыми өзара әрекеттесу жөніндегі вице-президенті Жизель Бейкер.

Биылғы жылы форумның гибридті форматы оған әлемнің түрлі елдерінен 700-ден астам делегат пен 144 журналистке қатысуға мүмкіндік берді.

Пікірлер жоқ. Бірінші болыңыз!

Пікір жазыңыз

Тағы да оқыңыз: