Қазақстан халқының саны 2050 жылға қарай 8,2 млн адамға өсіп, 27,8 млн адамға жетеді.
Еңбек ресурстарын дамыту орталығының болжамына қарағанда, өсу қарқыны жылына 1,1-1,4% шегінде өзгереді, орташа жылдық өсу қарқыны (ОЖӨҚ) 1,3%, оптимистік нұсқасында – 1,4-1,7% (ОЖӨҚ 1,5%), пессимистік нұсқасында – 0,7-1,1% (ОЖӨҚ 0,9%).
2022-2050 жылдары жаңа туған нәрестелер саны 14,3 млн адамды, қайтыс болғандар саны 5,5 млн адамды құрайды. Осылайша, табиғи өсім 8,8 млн адамды құрайды. Алайда, көші-қонның теріс сальдосына байланысты (565 мың адам) 2050 жылға қарай халықтың таза өсімі 8,2 млн адамды құрайды.
2050 жылға қарай сегіз өңірдің халық саны 869 мың адамға қысқаруы мүмкін, олардың қатарына Абай (92 мыңға), Ақмола (80 мыңға), Қарағанды (99 мыңға), Қостанай (181 мыңға), Павлодар (100 мыңға), Солтүстік Қазақстан (182 мыңға), Ұлытау (15 мыңға), Шығыс- Қазақстан (120 мыңға) облыстары кіреді.
Сонымен қатар қалған өңірлердегі халық саны 9 млн адамға өсуі мүмкін, оның ішінде Астана, Алматы және Шымкент қалаларында 4,2 млн адамға ұлғаймақ.
оптимистік болжам бойынша демографиялық өсу қарқыны жоғары қалаларға Тараз қаласы да қосу керек. 2050 жылға қарай Тараз қаласы Ақтөбені басып озады. Төртінші мегаполюске айналатыны айдан анық.