Қызылорда облысының Қазалы ауданында құтқарушылар құдыққа құлап кеткен 76 жастағы кейуананы аман алып қалды.
Оқыс оқиға кеше таңертең болған. Аудан орталығында тұратын Людмила Маньшинаның үйінің алдында тереңдігі 4 метр болатын құдық бар екен. Соған насос қойған. Құдыққа түсіп, насосты алып жатқанда ағаш саты сынып, ішіне құлап кеткен.
– «Көмектесіңдер!» деген дауысты естіген көршісі бізге хабарласты. №9 өрт сөндіру бөлімінің қызметкерлері дереу оқиға орнына жетіп, апаны сыртқа шығарып алдық. Денсаулығы қалыпты. Тек тобығы ауырып қалған, – деді Қазалы аудандық төтенше жағдайлар бөлімінің аға инженері Серікбол Ізімов.
Назерке Саниязова
Пікірлер жоқ. Бірінші болыңыз!