HALYQLINE.KZ 31 тамыз күні ҮЕҰ ресурстық орталығында «Германиядағы Кеңес әскерінің тобы мен Варшава Келісімшарты әскерінің тобы» ардагерлері (ГКӘТ, ВКШӘТ)» республикалық қоғамдық бірлестігінің Қызылорда облысы бойынша филиалының ұйымдастыруымен дөңгелек үстел өткізілді.
Іс-шараға «Таулы Карабақтағы этносаралық қақтығыстарды реттеуге қатысушы ардагерлердің», «Тәжік-Ауған шекарасында жауынгерлік қимылдарына және әскери қақтығыстарына қатысушылардың» қоғамдық бірлестігінің жетекшілері, ардагер-жауынгерлер және жергілікті атқарушы органдардың өкілдері қатысты.
Жиын барысында филиал директоры Ғани Байменов сөз алып, бірлестіктің мақсат-міндеттерімен таныстырса, бірлестік кеңесшісі Алтынсары Шүренов алдағы жоспарлармен бөлісіп, қатысушыларды жастарға патриоттық тәрбие беру мақсатында өткізілетін іс-шараларға белсене қатысуға және бірігіп ұйымдастыруға шақырды.
Қатысушылар қоғамдық бірлестік жұмысына табыс тілеп, алдағы уақытта бірлесіп жұмыс істейтіндіктеріне сенім білдірді.
Іс-шара соңында қоғамдық бірлестік мүшелеріне мерекелік төсбелгілер табысталып, ұйымның куәліктері берілді.
Пікірлер жоқ. Бірінші болыңыз!