Halyqline.kz – үздіктер қатарында!

Адам шошырлық ақпарат

07.04.2021, 13:00 46 0

HALYQLINE.KZ

Әйгілі Оксфорд университетінің ғалымы 30 жылдық зерттеу нәтижесін жариялады. Тіпті адам шошырлық!..

2050 жылға қарай немесе одан аз кейін адамдар баланы тек лабораториядан өндіріп алмаса, өздері дүниеге әкелетін заман келмеске кетеді екен.

Оған себеп біздің улы химикаттарды тым көп тұтынуымызда депті ғалым еңбегінде. Қазірге дейін адамзаттың көбеюін тежейтін, күнделікті өмірде қолданатын 1000 түрлі зат бар екен.

Әсіресе олардың ішінде біздің түбімізге жететін мына бес түрлі зат екен (ол кісі тек химиялық атын жазған екен, мен қарапайым халыққа түсінікті болу үшін жақша ішіне ол заттың қайдан келетінін көрсетіп қойдым):

Жанбайтын пластиктер (пластик ыдыс-аяқтар, мысалы торт, печене, т.б. пісіретін отқа төзімді қалыптар);

Фталаттар (пластик бөтелке жасауда қолданылады);

Бисфенолдар (алюминий құтының ішінде болады, мысалы алюминий құтыдағы кола, фанта, немесе басқа сусындарда көресіз);

Перфторлы қосылыстар (тамақ жабыспайтын қазанда болады);

Пестицидтер (жемістер мен көкөністердің бетіне шашады).

Одан тыс балалардың күнделікті өмірде қолданатын 27 түрлі заты мен ересектер қолданатын 126 түрлі затта көбеюге қарсы химиялық заттар бар деп жазған екен. Бірақ олардың аттарын жазбапты.

Қысқасы, түсінген боларсыздар, тек табиғи өнімдерді тұтыну керек.

Ал нәрестелерге сүт беретін ыдыстарды (сатып алған ыдыстарды) ыстық суға ішін де, сыртын да кем дегенде жарты сағат салып қойыңыз, сосын тазалап жуып қолданыңыз.

Ал үлкендер және балалар пластик ыдысқа ешқашан ыстық зат салып жеуге болмайды, ана фталат деген бәле тағамға оңай өтіп кетеді.

Пластик ыдыстарды ыстық суға кем дегенде жарты сағат салып қойып, еритін бәлесін ерітіп алып төгіп тастау керек. Бірақ пластик ыдысқа ыстық тамақ салып жеуге мүлде болмайды.

Жоғарыда байқағандай, күйдірмейтін қазанды пайдаланбаңыз. Күйдірмейтін (жабыспайтын) қазан денсаулыққа зиянды әрі бағасы өте қымбат.

АҚШта фталаттар 2017 жылы, перфлорлы қосылыстар 2018 жылы шектелген екен. Бұл екі түрлі зат та бізде шектелген жоқ. Бәрі білімнің таяздығы. Сондықтан өз денсаулығымыз үшін, өз ұрпағымыз үшін өзіміз күйінейік…

Аударған Жексен Тоқтарбай.

Әлеуметтік  желіден  алынды.

Пікірлер жоқ. Бірінші болыңыз!

Пікір жазыңыз

Тағы да оқыңыз: