Түркіменстанда сұлулық салондары жаппай жабылып жатыр. Барлық косметикалық қызмет түрлеріне тыйым салынды. Тек шаштараздар ғана істеп жатыр. Өлкеде шаш бояуға да рұқсат жоқ.
«Бітті! Маникюр, педикюр, косметология, массаж, депиляция, қас бояуға тыйым салынды», – дейді Азаттықтың түркімен қызметінің Ашғабадтағы бұлағы.
Редакция тілшілері Ашғабадтағы ең ірі сұлулық салондарының жабылып жатқанын хабарлады. Бұдан бөлек елде киім кию ережесі де қатайған.
Азаттықтың түркімен қызметі хабарлағандай, қоғам арасында жаңа президент Сердар Бердімұхамедовке наразылық күшейіп жатыр.
Олар мұның бәрі елдің жаңа президентінің консервативті көзқарасына байланысты екенін айтады.
Түркімен билігі бұған қатысты ресми пікір білдірмеді.
Пікірлер жоқ. Бірінші болыңыз!