HALYQLINE.KZ
Еуропада велосипедшілер мен велосипедтер саны 2030 жылға қарай екі есеге көбейтіледі. Бұл – велосипедті дамытудың жалпыеуропалық жоспарына қол қойған 56 ел өкілдерінің пікірі, – деп хабарлайды БҰҰ баспасөз қызметі.
Еуропалық аймақта жыл сайын 110 мың адам жол апатынан қайтыс болады. Жол-көлік оқиғалары 5-29 жас аралығындағы балалар мен жастардың өлімінің негізгі себебі болып табылады. Жарты миллион адам ауаның ластануының салдарынан қайтыс болады.
Жоспарға сәйкес 2030 жылға дейін қол қойған елдер:
– ұлттық саясат пен ұлттық велосипед жоспарларын әзірлеу;
– велосипедшілердің қатысуымен болатын жол-көлік оқиғаларынан жарақаттану мен қаза болу санын екі есеге азайту үшін осы саладағы қауіпсіздікті жақсарту;
– велосипедті қала құрылысы мен ұлттық денсаулық сақтау жоспарларына қосу.
ЕЭК пен ДДҰ сарапшылары велосипедті дамытудың жалпыеуропалық жоспары, атап айтқанда, 400 000 жаңа жұмыс орнын құруға мүмкіндік беретіндігін айтып отыр. Бүгінгі күні Еуропа аймағында 750 мың адам велосипедке байланысты жұмыспен қамтылған.
Жоспарда қарастырылған шаралар парниктік газдар шығарындыларын 8 миллион тоннаға азайтуға, кептелістен арылуға және қалалық кеңістікті тиімді пайдалануға көмектеседі. Мысалы, велосипедті қою автокөлік тұрағына қарағанда сегіз есе аз орынды қажет етеді. ЕЭК жолдардағы кептелістер санын азайтудың экономикалық пайдасы шамамен 4,9 миллиард долларды құрайды деп есептеді.
– Қатерлі ісік, қант диабеті, жүрек ауруы және тыныс алу жолдарының аурулары сияқты жұқпалы емес аурулар өлімнің 70 пайызын құрайды. Аймақта көлік пен қала құрылысы саясаты халықтың денсаулығына өзіндік әсерін тигізуі мүмкін. Біз халықтың денсаулығын нығайтатын экологиялық таза, қауіпсіз көлік жүйесін құруға міндеттіміз, – дейді ДДҰ Еуропалық кеңсесінің директоры Ханс Клуге.
Оның айтуынша, Декларация қоршаған орта мен адам денсаулығының өзара тәуелділігін растайды. Жұқпалы емес аурулардың алдын алуға және ластануды азайтуға көмектесетін белсенді өмір салтын насихаттауға бағытталған.
Пікірлер жоқ. Бірінші болыңыз!