Мұны Ішкі істер министрінің орынбасары Игорь Лепеханың өзі айтып отыр.
Зорлау дерегі бойынша ұсталған күдікті Қаскелең қаласындағы аудандық сот залынан қашып кеткен еді.
Игорь Лепеха бұл туралы БАҚ өкілдерінің сауалына жауап беру барысында баяндаған.
– Күдіктінің қашып кетуі бойынша іс қозғалды, әлі іздестіріп жатырмыз, – деді ол.
Оның сөзінше, жұмысына селқос қараған ішкі істер органдары қызметкерлеріне қатысты іс қозғалған. Бұған дейін адам зорлады деген күдікпен ұсталған айыпталушы Қаскелең қаласындағы аудандық сот залынан қашып кеткенін отандық БАҚ-тар жарыса жазған еді.
Әлеуметтік желіде Алматы облысындағы автожолдарда полиция қызметкерлерінің тексеріс жүргізіп жатқаны туралы бейнежазбалары тарады.
Қамауға алынған күдіктінің қашып кету фактісі бойынша қылмыстық іс қозғалған. Қашқынды ұстауға қажетті іс-шаралар кешені қабылданды. Бүгінгі күні болған оқиғаның барлық мән-жайын анықтау мақсатында қызметтік тексеру тағайындалғаны да хабарланды.
Пікірлер жоқ. Бірінші болыңыз!