«Азық-түлік келісімшарт корпорациясы» ҰК» АҚ «Еуразиялық сауда жүйесі» тауар биржасы» АҚ тауар биржасында астық сатуды бастады.
Алғашқы биржалық сауда-саттық шеңберінде EXW жеткізу шарттарымен 3-сыныпты 23 мың тонна бидай сатылған.
Осылайша, бір күнде «Азық-түлік келісімшарт корпорациясы» тауар биржасы арқылы көп мөлшердегі астықты сатып отыр.
Сауда-саттық қорытындысы бойынша сату бағалары:
3-сыныпты бидай (желімтек 23-24%) – ҚҚС-мен 85 000 теңге/тонна;
3-сыныпты бидай (желімтек 25-26%) – ҚҚС-мен 88 000 теңге/тонна;
3-сыныпты бидай (желімтек 27+%, Hi-pro) – ҚҚС-мен 130 000 теңге/тонна.
– Ұлттық астық операторы тауар биржасында белсенді жұмысын жалғастыруда және барлық мүдделі тарапты сауда-саттыққа қатысуға шақырады. Тауар биржасы астықты сатуға ыңғайлы платформаны ұсынады, сондай-ақ нарықтың барлық қатысушысы үшін ашықтық пен бәсекеге қабілетті жағдайларды қамтамасыз етеді. Биржадағы сауда сессиясы жұмыс күндері сағат 10:00-ден 17:00-ге дейін өтеді. «Азық-түлік келісімшарт корпорациясы» ҰК» АҚ сатып алушылар мен серіктестерді астықты ресми сауда алаңы арқылы сатып алу мүмкіндігін пайдалануға шақырады, – деп жазылған корпорация таратқан мәліметте.
Пікірлер жоқ. Бірінші болыңыз!