Медициналық колледж студенттеріне құқық бұзушылықтың салдары мен заң алдындағы жауапкершілік түсіндірілді.
Қызылордада жастардың құқықтық сауаттылығын арттыру және құқық бұзушылықтың алдын алу мақсатында студенттермен кездесу өтті, деп хабарлайды Halyqline.kz.
Қызылорда қаласы Полиция басқармасы Қоғамдық қауіпсіздік бөлімінің ювеналды полиция аға инспекторы, полиция майоры Виталий Соболев Қызылорда медициналық жоғары колледжінің студенттерімен жүздесіп, заң талаптарын сақтаудың маңызын түсіндірді.
Кездесуде жастар арасындағы құқық бұзушылықтың алдын алу, қоғамдық орындардағы тәртіп, заң алдындағы жауапкершілік және құқыққа қайшы әрекеттердің салдары талқыланды. Полиция өкілі студенттерге құқықтық мәдениетті қалыптастырудың маңызына тоқталып, күнделікті өмірде заң талаптарын сақтауға қатысты түсіндіру жұмыстарын жүргізді.
Жиын ашық диалог форматында ұйымдастырылды. Студенттер өздерін қызықтырған сауалдарын қойып, полиция қызметкерінен жауап алды. Әсіресе жастардың құқықтары мен міндеттері, қоғамдық қауіпсіздік және заң бұзған жағдайда туындайтын жауапкершілік мәселелеріне назар аударылды.
Полиция қызметкерлерінің айтуынша, мұндай профилактикалық кездесулер жастардың құқықтық білімін жетілдіруге, құқық бұзушылықтың алдын алуға және қауіпсіз орта қалыптастыруға бағытталған.
Іс-шара «Заң мен тәртіп» қағидаты аясында ұйымдастырылды.
Пікірлер жоқ. Бірінші болыңыз!