Қазақстан Республикасында тіл саясатын дамытудың 2023–2029 жылдарға арналған тұжырымдамасын іске асыру жөніндегі іс-қимыл жоспарында «ҚАЗТЕСТ» – қазақ тілін меңгеру деңгейін бағалау жүйесі бойынша қол жеткізілуі тиіс нысаналы көрсеткіштер белгіленген.
Атап айтқанда, 2026 жылы мемлекеттік тілді В1 деңгейінде меңгерген мемлекеттік қызметтер көрсететін ұйымдар мен ұлттық компаниялар қызметкерлерінің үлесі — 40 %, ал В2 деңгейінде меңгерген мемлекеттік қызметшілердің үлесі — 47 % құрауы тиіс.
Осы ретте, Қызылорда облысының қоғамдық даму басқармасы 2026 жылғы 10–12 маусым аралығында Қазақстан Республикасы Ғылым және жоғары білім министрлігінің Ұлттық тестілеу орталығымен бірлесіп, «ҚАЗТЕСТ» жүйесі бойынша диагностикалық тестілеу өткізді.
Тестілеуге аумақтық департаменттердің, әскери құрылымдар мен ұйымдардың, құқық қорғау органдарының қызметкерлері, сондай-ақ «ҚТЖ» ҰК» АҚ-ның «Қызылорда магистральдық желі бөлімшесі» филиалы мен Қазақстан Республикасы Ұлттық Банкі Қызылорда филиалының қызметкерлері қатысты.
Жалпы тестілеуден 500-ден аса адам өтті.
Тестке қатысушылар «Тыңдалым», «Оқылым» бөлімдері бойынша тапсырмалар орындады.
Диагностикалық тестілеу нәтижелері қатысушылардың мемлекеттік тілді меңгеру деңгейін анықтауға, сондай-ақ олардың тілдік құзыреттерін одан әрі жетілдіру бағытындағы жұмыстарды жоспарлауға мүмкіндік береді.
Пікірлер жоқ. Бірінші болыңыз!