Мәжіліс депутаты Ринат Зайытов әйелін өлтірген Қуандық Бишімбаев халықтың пікірін өзгертуге тырысып жатыр, деп хабарлады.
«Қуандық Бишімбаев деген ескі жүйеде жұмыс істеп, қоғамды қалай алдауды керектігін жақсы біледі. Қоғамдық пікірді бұруды өте жақсы меңгерген адам. Қазір кезде қайтыс болған Нүкенова ханымның тарапына жасалып жатқан шабуылдар – сол әулеттің қоғамдық пікірді қалай бұрмалауды жақсы меңгергенінің көрінісі. Олар сонымен қатар желіде Салтанат Нүкенованың ағасы Бишімбаевтың 10 жастағы қызын зорламақ болған деген ақпарат таратты. Мұның бәрі манипуляция», – дейді Ринат Зайытов.
Сондай-ақ ол ақпараттық тартыс заманында жәбірленуші тараптың ұтылып жатқандығын да ашық айтып, Қазақстанда әділетті соттың бар екеніне де сенбейтінін жеткізді.
«Біздің сот жүйесі жеке мемлекет секілді жұмыс істейді. Істі ашқысы келсе ашады, жапқысы келсе жабады. Халықтың қатысуымен ашық сот жасау керек дейтіндей, Бишімбаев деген оппозициялық тұлға ма? Халықтың сөзін сөйлеген адам ба? Жәбір көрген адам ба?», – дейді Ринат Зайытов.
Дереккөз: Abai.kz
Сурет ашық дереккөзден алынды.
Пікірлер жоқ. Бірінші болыңыз!