Осы жылдың 19 наурызында Қызылорда облысының ветеринария басқармасының қызметкерлеріне Қазақстан Республикасының 2015 жылғы 12 қарашадағы №392 Мемлекеттік аудит және қаржылық бақылау туралы заңына және Қазақстан Республикасы Қаржы министрінің 2017 жылғы 24 сәуірдегі №272 бұйрығымен бекітілген “Қаржылық есептілік аудиті” рәсімдік стандартына сәйкес түсіндірме жұмыстарын жүргіздім.
Семинар барысында, қаржылық есептілік аудитін жүргізу кезеңдері бойынша:
– жоспарлау (ішкі бақылау жүйесін тестілеу; зерттеу әдістерін айқындау (тұтас немесе іріктеулі), аудит жоспарын және бағдарламасын жасау және бекіту);
– аудитті мәні бойынша жүргізу (аудиторлық дәлелдерді, аудиторлық рәсімдерді, аудиторлық іріктеуді жинау);
– аудитті аяқтау (аудит нәтижелерін қорыту және оларды құжаттық рәсімдеу).
Мемлекеттік аудитор аудиттелетін объектінің бухгалтерлік есеп жүйесінде:
– қаржылық есептілікті белгіленген тәртіппен және мерзімінде жасаудың сәйкестігін;
– бухгалтерлік рәсімдерді қызметтің ерекшелігін ескере отырып, жүргізуді;
– бухгалтерлік операциялар орындау мерзімдерін;
– бюджеттік есептілікті зерделеуді қарастыратындығы туралы тақырыптар бойынша талқылау болды.
Эльмира Палманова,
Қызылорда облысының ішкі мемлекеттік аудит
департаментінің қаржылық есептілік аудиті
бөлімінің бас маманы-мемлекеттік аудитор
Пікірлер жоқ. Бірінші болыңыз!