Бәсекелестікті қорғау органдары Батыс Қазақстан облысындағы «Орал» халықаралық әуежайының қызметінен заң бұзушылық белгілерін анықтады. Ресми мәліметке сүйенсек, әуежай авиакомпанияларға авиаотынды әртүрлі бағамен сатып, нарықтағы үстем жағдайын теріс пайдаланған болуы мүмкін. Тергеу барысында бір кезеңнің өзінде кейбір компаниялар отынды басқаларға қарағанда арзан бағамен алғаны белгілі болған. Бұл айырмашылыққа объективті және экономикалық тұрғыдан негізделген себептер болмағаны айтылды.
Уәкілетті орган әуежайға бәсекелестік туралы заңнаманы бұзу белгілері бар екені жөнінде хабарлама жолдаған. Кейін кәсіпорын анықталған олқылықтарды жою бойынша шара қабылдағаны хабарланды. Дегенмен бұл оқиға әуе нарығындағы ашықтық, тариф қалыптастырудың әділдігі және инфрақұрылым иелерінің жауапкершілігі туралы маңызды сұрақтарды алға шығарды. Әсіресе ішкі авиация нарығында жанармай құны билет бағасына тікелей әсер ететінін ескерсек, мұндай айырмашылықтың салдары тек компанияларға емес, жолаушыларға да тиеді.
Фото: ТАСС
Пікірлер жоқ. Бірінші болыңыз!