Қазақстанда жүргізуші куәлігінің мерзімі өтіп кеткен жағдайда оны енді онлайн форматта ауыстыру мүмкіндігі пайда болды.
eGov.kz порталындағы қызмет арқылы азаматтар үйден шықпай-ақ құжатты жаңарту рәсімін рәсімдей . Бұл жаңашылдық мемлекеттік қызметтердің қолжетімділігін арттырып, уақыт үнемдеуге мүмкіндік береді.
Портал арқылы жүргізуші куәлігін ауыстыру үшін пайдаланушы жүйеге авторизациядан өтіп, өтінім толтырып, оны электрондық цифрлық қолтаңба арқылы растауы тиіс. Сондай-ақ өтінімге фотосурет пен қол үлгісі қоса тіркеледі.
Онлайн рәсімдеу барысында қажетті деректер мемлекеттік базалар арқылы автоматты түрде тексеріледі. Нәтижесінде азаматтар құжатты алу үшін тек дайын болған кезде мамандандырылған ХҚКО-ға барып алады.
Жүргізуші куәлігі Қазақстанда көлік құралдарын басқаруға құқық беретін негізгі құжат болып саналады және әдетте 10 жыл мерзімге беріледі.
Фото: Kazinform
Пікірлер жоқ. Бірінші болыңыз!