HALYQLINE.KZ –| Қызылорда облысында жыл басынан бері 26 өрт оқиғасы автокөлікте болған. Осы себепті, автокөліктегі өрт қауіпсіздігі – өрттің алдын алу жұмыстарының басты бағыттарының бірі.
Автокөлік – тез тұтанғыш материалдардың нағыз қоймасы: бензин, май, резеңке, бояу, былғары немесе мата, сым және тағы сол сияқты материалдар бар.
Автокөлік толықтай 4-6 минут ішінде жанып кетеді. Сондықтан осындай өрттің жанында болсаңыз, оқиға орнынан 10-15 метр қауіпсіз қашықтықта мүмкіндігінше тезірек кетіңіз, себебі автокөліктің жануы кезінде бензобактың жарылуы мүмкін.
Өрттің басты себептері:
– Электр сымдарының ақауы;
– Кейбір бөлшектердің жоғары температурада болуы;
– Автокөлікте темекі шегу;
– Қауіпті жүктерді дұрыс тасымалдамау;
– Автокөліктердің соқтығысы;
– Қасақана өртеу.
Өрт болған жағдайда автокөлік жүргізушісі әрдайым дұрыс іс-әрекет жасауға және өрт ошағын оқшауландыруға дайын болуы тиіс.
Әрқашан автокөлікте үш маңызды зат: дәрі-дәрмек қобдишасы, өрт сөндіргіш, синтетикасыз жапқыш болуы тиіс.
Бексұлтан БИЖІГІТ,
Қызылорда облысы ТЖД
Зілзалалардың қауіп-қатерін азайту және
азаматтық қорғау саласындағы бақылау
басқармасының бас маманы
Пікірлер жоқ. Бірінші болыңыз!