Мереке қарсаңында Қызылорда облысы бойынша Қылмыстық-атқару жүйесі департаментінің №60 мекемесінің бастығы әділет подполковнигі Өтетлеуов Мақсұт Өтегенұлы мен мекеменің тәрбие және кадр жұмысы бөлімінің бастығы Алтынбек Гүлмира және бөлім қызметкерлері өз ұжымдастарының отбасына да мерекелік көңіл-күй сыйлады.
Мекеме бастығы мен ұжымдастарының бұл әрекетіне риза болған қызметкерлердің отбасы мүшелері шексіз ризашылықтарын білдірді.
“Отбасымызды құттықтап мекеме бастығының өзі келіп, аяз ата мен ақшақар балаларымызға сыйлық әкелгенінің өзі №60 мекеме ұжымының ұйымшылдығын көрсетеді. Кеше мерекелік шара ұйымдастырып, “Офицердің анасы” төсбелгісін тақса, бүгін шөберелерімді қуантып жатыр. Балабақшада жаттаған тақпақтары мен өлеңдерін айтып мәз болған шөберелеріммен бірге мен де балаша қуанып қалдым. Бұл құрметтеріңізге ризамын. Немеремнің қиын сала болса да, осындай сыйластығы мол ұжымда еңбек етіп жатқанын мақтан тұтамын”,- деді мекеменің Сотталғандар арасында әлеуметтік психологиялық тәрбие жұмысы бөлімінің психологиялық қамтамасыз ету тобының аға инспектор психологы Орынбаев Айбек Нұрғисаұлының әжесі Шегебаева Тынышкүл.
Адина Ұзақбай
Қызылорда облысы бойынша ҚАЖД
Пікірлер жоқ. Бірінші болыңыз!