Наурыз көже — жаңару мен көктемнің оянуын бейнелейтін дәстүрлі мерекелік тағам. Оны дайындау тәсілдері әртүрлі. Осы орайда ұлттық статистика бюросы Наурыз көжеге қосылатын негізгі өнімдер бағасын ұсынды.
Бұл туралы halyqline.kz тілшісі Kazinform сайтына сілтеме жасап жазады.
“1литр айранның орташа бағасы (2,5%) 446 теңге. Бұл тағамда қолданылатын тағы бір маңызды өнім — сүт (2,5%), оның бағасы литріне орташа есеппен 413 теңге. Арпа жармасының бір келісі орташа есеппен 399 теңге тұрады, еліміз бойынша оның ең төменгі бағасы Көкшетау (283 теңге) қаласында тіркелген. Күрішке келетін болсақ, оның орташа бағасы келісіне 639 теңге, күріштің арзаны Шымкентте екен бағасы — 535 теңге. Тағы бір маңызды ингредиенттің бірі — жылқы еті, оның бір келісі шамамен 3098 теңге. Қазақстан бойынша тұздың орташа бағасы 76 теңге/кг”,- делінген Ұлттық статистика бюросы таратқан хабарламада.
Сондай-ақ тағамға құрт қосылады, ал аймаққа қарай тағы маш, өрік немесе кеспе қосылуы мүмкін.
Пікірлер жоқ. Бірінші болыңыз!