2023 жылдың 26 қазан күні Қорқыт ата атындағы Қызылорда университетінде Startup Joly инкубациялық бағдарламасының қорытынды Demo Day шарасы өтеді. Қорқыт ата атындағы Қызылорда университеті кәсіпкерлік орталығының ұйымдастыруымен өтетін Demo Day инновациялық жобалар байқауы «QazInnovations» ұйымының қолдауымен іске асырылуда.
Инновациялық идеялар мен жобалар байқауының мақсаты − өңірдегі үздік инноваторларды анықтау, олардың жобаларын қолдау және дамуына көмектесу. Үздік 3 жобаға қаржылай жүлде табысталады. Байқаудың жалпы жүлде қоры 1 млн теңгені құрайды. Қаржылай жүлдеден бөлек қатысушыларға сертификат табысталады. Сертификат арқылы «QazInnovations» инновациаларды дамыту жөніндегі ұлттық агенттігі» және Astana Hub халықаралық технопаркінің гранттық бағдарламаларына қатысу мұмкіндігіне ие болады.
Айта кетейік, Startup Joly инкубациялық бағдарламасының алғашқы маусымын қорытындылау мақсатында қыркүйек айында өткен инновациялық жобалар байқауында 26 жоба таныстырылып, Раушанбек Бейбарыс «Educopter» жобасы бойынша 500 мың теңге иеленді. Ал, «Dmenu» жобасын таныстырған Тұрсынбай Елдос пен Ахметов Бауыржанға 300 мың теңге табысталды. Мұңайтбасова Жұлдызай мен Тұрғанбай Раушан «ecoDabyl» жобасымен 200 мың теңге жүлдені қанжығаларына байлады.
Пікірлер жоқ. Бірінші болыңыз!