Кувейт Қорғаныс министрлігінің ресми өкілі бүгін таңертең ел аумағында бірнеше америкалық әскери ұшақтың құлағанын мәлімдеді. Бұл туралы Кувейт армиясының ресми парақшасында жарияланған №7 мәлімдемеде айтылған.
Ресми ақпаратқа сәйкес, ұшақ экипаждарының барлығы аман қалған.
Құзырлы органдар оқиға болған сәттен бастап дереу іздестіру-құтқару жұмыстарын бастап, экипаж мүшелерін эвакуациялап, медициналық тексеруден өткізу үшін ауруханаға жеткізген. Қазіргі уақытта олардың жағдайы тұрақты екені хабарланды.
Министрлік өкілінің айтуынша, оқиғаның мән-жайын анықтау үшін АҚШ-тың одақтас әскери күштерімен тікелей үйлестіру жүргізілген және қажетті техникалық шаралар қабылданған.
Қазіргі таңда апаттың себептерін анықтау бойынша тергеу амалдары жалғасуда. Ресми өкіл жұртшылықты ақпаратты тек ресми дереккөздерден алуға шақырды.
Дереккөз: Kuwait Army ресми аккаунты (@KuwaitArmyGHQ)
Фото: US CENTCOM
Пікірлер жоқ. Бірінші болыңыз!