HALYQLINE.KZ Бүгін қызылордалық «Қайсар» Қызылорда-Алматы-Анталия бағыты арқылы Түркияға аттанды. Қара теңіздің жағалауында қасқырлар наурыз айының 3-іне дейін жаттығу жұмыстарын жүргізеді. Оқу-жаттығу жиын барысында бас бапкер Сұлтан Әбілдаев бірнеше жолдастық кездесу өткіздуді жоспарлап отыр. Сонымен қатар команда құрамына қосылатын футболшылар Түркияда қаралымнан өтетін болады.
Үшінші оқу-жаттығу жиынына төмендегі футболшылар шақырту алды.
Қақпашылар: Марсель Исламқұлов, Нұрымжан Салайдын;
Қорғаушылар: Елжас Сарбай, Олжас Алтаев, Иван Граф, Ілияс Әмірсеитов, Абылайхан Төлегенов;
Жартылай қорғаушылар: Данияр Әлімжан, Бекзат Құрманбекұлы, Аян Құлмағанбетов Думан Нәрзілдаев;
Шабуылшылар: Шоқан Абзалов, Өркен Махан.
Айта кетейік, команданың шабуылшысы Елжас Алтынбеков аздаған жарақатына байланысты қасқырлардың оқу-жаттығу жиынына кейінірек қосылатын болады.
«ҚАЙСАР» ФК баспасөз қызметі
Пікірлер жоқ. Бірінші болыңыз!