Алматы қаласының әкімі Бақытжан Сағынтаевтың өкімімен жерлесіміз Нариман Табынбаев қалалық қоғамдық денсаулық басқармасының басшысы болып тағайындалды. Бұл туралы қалалық әкімдіктің Telegram-дағы ресми арнасы хабарлады.
Нариман Табынбаев 1961 жылы 23 ақпанда туған. Алматы Мемлекеттік медицина институтын, Қазақ инженерлік-техникалық академияны тамамдаған. Профессор, медицина ғылымдарының докторы.
Еңбек жолын 1985 жылы Қызылорда облысының Орталық аудандық ауруханасында балалар хирургі болып бастаған.
1988 жылдан 1994 жыл аралығында эндоскопия бөлімінің меңгерушісі, Қызылорда қаласындағы облыстық аурухананың бас дәрігерінің диагностикалық орталығы бойынша орынбасары болып жұмыс істеген.
1994 жылдан 1997 жыл аралығында Алматы облысының Орталық аудандық ауруханасы бас дәрігерінің емдеу жұмысы жөніндегі орынбасары болды.
1997 жылдан 2002 жыл аралығында Урология ғылыми орталығында ғылыми қызметкер, аға ғылыми қызметкер, бөлім меңгерушісі, бас дәрігер болып жұмыс істеді.
2008 жылдан 2014 жыл аралығында Қызылорда қаласындағы облыстық медициналық орталықтың директоры, Урология ғылыми орталығының директоры қызметтерін атқарды.
2014-2015 жылдар аралығында Астана қаласындағы «Ұлттық медициналық холдинг» АҚ басқарма төрағасының орынбасары болды.
2015 – 2018 жылдар аралығында Астана қаласындағы Ұлттық ғылыми онкология және трансплантология орталығының директоры болып жұмыс істеді.
2019 жылдан 2020 жыл аралығында Fox Chase Cancer Center (Philadelphia, АҚШ), University of Minnesota (Minneapolis, АҚШ) тағылымдамадан өтті.
Жаңа қызметіне дейін ол Алматы қаласы Қоғамдық денсаулық басқармасы «Орталық қалалық клиникалық ауруханасы» ШЖҚ МКК директоры қызметін атқарған.
Пікірлер жоқ. Бірінші болыңыз!