HALYQLINE.KZ Бүгін «Болашақ» Ғылыми-зерттеу институтының «Руханият» ғылыми-зерттеу орталығы «Алаш арыстары. Ұлт мүддесі. Ұлы дала мұраты» тақырыбындағы дөңгелек үстел өткізді.
Дөңгелек үстел «Zoom» платформасында өткізіліп, кездесуге Қазақстанның еңбек сіңірген қайраткері, кинодокументалист Қ.Омаров қатысты. Студенттер Қ.Омаровтың Алаш арыстары жайлы түсірген авторлық деректі фильмдеріндегі тың деректермен танысып, Алаш мұраты мен ұлт мүддесінің саяси маңызына жаңа көзқарас, Алаш қайраткерлері мен Мұстафа Шоқайдың саяси көзқарастары туралы жаңаша таным, Алаш идеясының түп тамыры, Ұлы Дала мұратының бастауы қайдан деген сауалдардың жауабына қанықты. Далалық саясат пен орыстың империялық саясатының ғасырларға ұласқан текетіресіндегі Алаш қайраткерлерінің қазақ мүддесі үшін күресі, олардың қазақ мемлекеттілігіндегі саяси рөлі студенттер ортасында жан-жақты талқыланды.
Кинодокументалист өзінің «Алаш» сериясымен шыққан фильмдерінің мазмұнымен таныстырып, фильмді жасауға азаматтық позициясы мен ұлтына деген сүйіспеншілігі көп көмектескенін, барлық фильмдерінде қазақ мүддесі, ұлт мұратын көздегенін айтып, өзі қоса зерттеген, ұлы даланың шынайы, тың тарихымен бөлісті.
Дөңгелек үстелді Ақпарат саласының үздігі, Қазақстанның Құрметті Журналисі, филология, журналистика кафедрасының аға оқытушысы А.Ж.Шалғынбаева жүргізді.
«Болашақ» Ғылыми-зерттеу институтының
«Руханият» ғылыми-зерттеу орталығы
Пікірлер жоқ. Бірінші болыңыз!