Италияның Турин қаласында өтіп жатқан ХХХІІ Дүниежүзілік қысқы Универсиаданың кезекті жарыс күнінде Қазақстан қоржыны тағы екі медальмен толықты, деп хабарлайды halyqline.kz тілшісі Egemen.kz сайтына сілтеме жасап.
Универсиада ойындарының парашаңғы жарысынан 1400 метр қашықтық финалында отандасымыз Роман Құрбанов қола медаль жеңіп алды. Бұл спортшымыздың осы жарыстағы ел қоржынына қосқан екінші медалі.
Сонымен қатар, тағы бір спортшымыз Денис Зинов универсиада ойындарының күміс медалін иеленді. Спорт және туризм академиясының студенті парашаңғы жарысынан 1400 метр қашықтықта мәреге екінші болып жетті.
Айта кетейік, әзірге Қазақстан құрамасының қоржынында 2 алтын, 4 күміс, 2 қола медаль бар.
Қысқы Универсиада 23 қаңтарға дейін жалғасады.
Пікірлер жоқ. Бірінші болыңыз!