Цифрлық даму, инновациялар және аэроғарыш өнеркәсібі министрлігі Байқоңыр кешенінің жалға берілуі мен одан түсетін кіріс туралы мәлімет берді,- деп хабарлайды halyqline.kz тілшісі BAQ.KZ сайтына сілтеме жасап.
Байқоңыр кешенінің жалпы ауданы шамамен 48 мың шаршы шақырым. Оның ішінде Байқоңыр қаласы – 55 шаршы шақырым, Байқоңыр ғарыш айлағы – 6,5 мың шаршы шақырым, ал зымыран тасығыштардың бөлінетін бөліктерінің құлау аймақтары 41,4 мың шаршы шақырымды алып отыр.
Цифрлық даму, инновациялар және аэроғарыш өнеркәсібі министрлігінің ресми жауабына сәйкес, “Байқоңыр” кешені 1994 жылдан бастап Ресей Федерациясына жалға берілген.
“1994 жылғы 10 желтоқсанда бекітілген шартқа сәйкес, Қазақстан бюджетіне жыл сайын 115 миллион АҚШ доллары көлемінде қаражат түседі. Жалға алу мерзімі 2050 жылға дейін”, – делінген жауапта.
Пікірлер жоқ. Бірінші болыңыз!