Заңсыз көші-қонды болдырмау және алдын алу, шетелдіктердің көші-қон заңнамасын бұзу фактілерін анықтау мақсатында осы жылдың маусым айының 3-і мен 9-ы аралығында Қызылорда облысы аумағында «Заңсыз келуші – 2024» іс-шарасы өткізілуде. Бұл туралы облыстық Полиция департаментінің баспасөз қызметі хабарлады.
Іс-шараның 2 күн нәтижесінде жалпы 233 құқықбұзушылық анықталды. Оның ішінде, шетел азаматтарымен жасалған 171 әкімшілік құқықбұзушылық анықталса, оның ішінде бір азаматшареспублика аумағынан шығарылды.
Шетелдіктердің болу ережелерінің сақталуын қамтамасыз етпеген ҚР-ның 62 азаматына қатысты әкімшілік шаралар көрілді.
«Құрметті облыс тұрғындары! Шет мемлекеттерден жұмыс істеуге келген шетел азаматтарын заңда көрсетілген мерзімде құжаттарын заңдастырып, көші-қон заңнамасын бұзбай, жұмыс істеткендеріңіз абзал.
Егер де заң талаптарын орындамай өрескел бұзған жағдайда, Қазақстан Республикасы заңдарының талаптарына сәйкес шара көрілетіндігін ескертеміз» делінген хабарламада.
Пікірлер жоқ. Бірінші болыңыз!