Қызылорда облысы бойынша Қылмыстық-атқару жүйесі департаментіне қарасты №68 мекемесінде департамент бастығының орынбасары, әділет подполковнигі Ж.Әбдіқайыровтың қатысуымен үшінші тоқсанның қорытындысы өтті. Жедел кеңеске мекеме басшылары мен жеке құрам қызметкерлері қатысты.
Жедел кеңесті ашқан әділет подполковнигі Жүніс Өтегенұлы ІІМ Алқа отырысында қойылған негізгі талаптар мен тапсырмаларды жеке құрамның назарына жеткізді.
Жедел-қызметтік жұмысының қорытындылары туралы мекеме бастығының орынбасары, әділет майоры Азамат Темірбекұлы баяндама жасады. Ол өз баяндамасында №68 мекемесіндегі сотталғандардың пайдалануы мен қолданылуына тыйым салынған заттарды өткізу дерегі, тінту жұмыстары және жазасын өтеушілермен өткізілген тәрбиелік шаралар, түзеу мекемесінен босатылған, жаза мерзімі қысқартылған сотталғандар туралы айтып өтті. Сондай-ақ департаменттің жеке құрамы арасындағы тәртіптің, заңдылықтың және сыбайлас жемқорлыққа қарсы іс-қимылдың жай-күйі, атқарылған жұмыстары мен ҚАЖ имиджін арттыру бағытында БАҚ беттеріне жарияланған ақпараттар жөнінде баяндады.
Жедел кеңесті қорытындылаған департамент бастығының орынбасары №68 мекемесінде алдағы уақытта атқарылатын міндеттер бойынша мекеме басшыларына сотталғандарды жұмыспен қамту бойынша жеке кәсіпкерлермен кездесулер өткізу, сотталғандардың пайдалануы мен қолданылуына тыйым салынған заттардың жолын кесу бойынша жұмысты жандандыруды және олармен тәрбиелік жұмыстарды жиі жүргізуді тапсырды. Қылмысқа жол бермеу мақсатында тиісті жұмыстарды атқаруды және жеке құрам арасында сыбайлас жемқорлықтың алдын алу бағытында жүйелі жұмыстардың жүргізілуіне нақты тапсырмалар берді.
Пікірлер жоқ. Бірінші болыңыз!