Аймақ басшысының тапсырмасына сәйкес Қызылорда қаласында жастар мен жасөспірімдер арасында құқық бұзушылықтың, қылмыстылықтың алдын алу мақсатында түнгі рейдтік жұмыстар тұрақты жүргізілуде.
Рейдке қала әкімдігі жанындағы мобильді топ, оның ішінде қалалық қоғамдық даму, білім бөлімдері, полиция басқармасының қызметкерлері, жастар ұйымдары мен жастар орталығы өкілдері қатысуда.
«Заң және тәртіп» қағидаттарына сәйкес, жастар үшін қауіпсіз орта қалыптастыру – басты міндет.
Аралау кезінде түнгі уақытта заңды өкілдерінсіз үй-жайдан тыс аумақта, түнгі ойын-сауық орындарында жүрген жасөспірімдер анықталды. Полиция тарапынан ата-аналары шақырылып, тиісті әкімшілік хаттамалар толтырылды.
Құрметті ата-аналар!
Балаларыңыздың қауіпсіздігіне бей-жай қарамаңыздар! Түнгі сағат 23:00-ден кейін жасөспірімдердің үй-жайдан тыс аумақта жүруіне жол бермеңіздер. Ал, сағат 22:00-ден кейін ойын-сауық мекемелерінде кәмелетке толмағандардың заңды өкілдерінің еріп жүруінсіз болуына тыйым салынған. Бұл талап орындалмаған жағдайда қоғамдық орын жетекшісіне де, ата-анасына да әкімшілік шара көріледі.
Жасөспірімдердің қауіпсіздігі – баршамызға ортақ жауапкершілік!
Пікірлер жоқ. Бірінші болыңыз!