HALYQLINE.KZ Байқоңыр қалалық пробация қызметі мен Байқоңыр қаласының мәдениет, жастар саясаты және спорт басқармасы қызметкерлерінің ұйымдастыруымен Байқоңыр қалалық пробация қызметінің есебінде тұрған сотталғандардың қатысуымен қалалық мәдениет үйінде орналасқан «Байқоңыр ғарыш айлағының тарихы» мұражайында мәдени-танымдық іс-шара өткізді. Шараға 20-дан астам сотталған қатысты.
Шараның мақсаты – сотталған азаматтарға адамзат баласының ғарышты қалай игергендігі туралы ақпарат беріп, мұражаймен таныстыру.
Мұражай қызметкерлері сотталған азаматтарға ғарыш алаңының құрылу тарихы, ғарышқа жол салған адамдар, көрнекті ғалымдар мен құрылысшылар, зымыран-ғарыштық техника сынаушылары, әскери құрылысшылары жайында және мұражай қорының топтамасындағы экспонаттардан мол мағұлмат берді.
«Музейге экскурсия жасау барысында тарихи құнды, өзіндік маңызы бар қаншама экспонаттармен таныстық. Байқоңыр ғарыш алаңының әскери құрылысшылары мен сынаушыларының еңбегі мен тұрмысымен, музейде қойылған экспонаттар: археологиялық қазба жұмыстары, тұрмыстық, мәдени заттармен танысып, керемет әсер алып, рухани тұрғыда байып қайттық. Осы шараны ұйымдастырған пробация қызметкерлері және музей қызметкерлеріне алғысымыз шексіз», – деді есептегі азамат.
Қызылорда облысы бойынша ҚАЖД
Пікірлер жоқ. Бірінші болыңыз!